Х.Досмұхамедұлы атындағы орта мектебінде орналасқан №144 сайлау учаскесінде дауыс беру жалғасып жатыр.

Аталмыш сайлау учаскесінде жалпы 1696 сайлаушы тіркелсе, оның 1104-і дауыс берді. Елдегі елеулі сәт, тарихи таңдаудан қалыс қалмай 144 сайлау учаскесіндегі 12 тұрғын денсаулығына байланысты үйден дауыс берді.

Үйден дауыс берген ауыл тұрғындары Төлеп Балғынбаев, қарт сайлаушы Нахия Қапанова әжей, мүмкіндігі шектеулі І топ мүгедегі Райымбек Якупов өз таңдауларын жасап, сайлауға өз үлестерін қосты. Төлеп атамыз жастарға батасын беріп, жақсылық тіледі. Нахия әжейге «Қарт сайлаушы» деп сыйлық табыс етілді. Сайлау әлі де жалғасуда.

Кәмшат ӘБІШ