«Шұғыла» мәдениет үйінің жанынан құрылған үлгілі «Айданай» би ұжымы бірнеше мәрте жетістіктерге қол жеткізіп жүргендері туралы айтылып та, жазылып та жүр. 

Міне, тағы да би ұжымының орындаған шығармаларын әлеуметтік желіде онлайн түрінде тамашаладық. Үйде отырып-ақ, қашықтықтан өнер көрсеткен тал шыбықтай бұралған бишілерді көріп, мына әлемде не боп жатқанын бір сәтке ұмытып, рухани демалып, бір серпіліп қалғандаймыз. Бишілер: А.Төлеубай, А.Кәдірғали, А.Жаскайратқызы, Н.Жұмалардың заманауи билері би әлемінің тұңғиық тылсым сырлары шексіз екенін білдіртсе, ағайынды Қайыржановалардың орындауындағы «Үнді» биі мен Ш.Орынбасардың «Испан» биін көре отырып, еріксіз риза боласың.

Би - нәзік құбылыс, сол құбылысты жүрегіңмен сезініп, қимыл әрекеттерін музыкамен байланыстыра білу де үлкен жауапкершілікті білдіреді. Олай болса, би әлеміне бірге саяхат жасап, үйде қауіпсіздік шараларын сақтай отыра, жанұямыздың саулығын, еліміздің амандығын тілеп, ғаламтор арқылы «Айданай» би ұжымының өнерін тамашаласаңыз, еш өкінбейсіз!

Сайран БОРАНҚЫЗЫ