«Арман» мәдениет үйінде Отбасы күніне арналған «Отбасы – өмір айнасы» атты  аудандық отбасылық ансамбльдер фестивалі болып өтті.

Оған Жангелдин ауылдық округінен - Шәкенбаевтар, Ойыл ауылдық округінен -  Төлегеновтер, Сағыз ауылдық округінен  Жолжановтар,  Көздіғара ауылдық округінен -  Бекмұқашевтер,  Миялы ауылдық округінен - Төремұратовтар  отбасылық ансамбльдері қатысып, тамаша  өнерлерін ортаға салды. Өнерімен өрге жүзген  отбасыларға сый-сияпат табысталды. Фестиваль соңында аудан өнерпаздары мың бұрала би билеп, тамылжыта ән шырқады.

Осындай игі шарадан керемет әсерге бөленген көрермен: "Әрбір жанұя мерейлі, мәртебесі биік болса, қазақ елінің де абыройы асқақ болары анық." деген тілекпен тарқасты. 

Нұрсәуле ЖАУЫНБАЕВА