Биылғы жыл ұлы ақынымыз Абай Құнанбайұлының 175 жылдық мерейтойымен ерекше. Осы атаулы датаны ұлығылау мақсатында 1 шілде күні Атырау облыстық Тілдерді дамыту жөніндегі басқармасының ұйымдастыруымен Ұлы Абайдың 175 жылдығына орай этнос жастары арасында «Абай оқулары» облыстық байқауы өткізілді.

Қазақ тілінің көркемдік ерекшелігін, сөздік қорын Абай шығармашылығы арқылы насихаттай отырып, қазақ мәдениетіне, әдебиетіне деген этнос өкілдерінің қызығушылығын арттыру мақсатында өткізілген байқауға аудан атынан беларусь ұлтының өкілі Стомма Райгүл Александрқызы қатысты.

Байқау шарттарына сай, Абайдың прозалық, поэзиялық шығармаларын жатқа мәнерлеп оқудан, халық әндері мен Абай әндерін айту және «Абайдың тілі – адамзаттың рухани қазынасы» тақырыбында бейнеролик (үй тапсырмасын) дайындап, қорғау ережелерінен сынға түсті. Нәтижесінде, Райгүл Стомма 2 орынмен және ақшалай сыйлықпен марапатталды.

Аудан мерейін үстем еткен Райгүл Александрқызына әлі де толағай табыстар тілейміз.

Өз тілшіміз