Өткен жылы Елбасы Н.Ә.Назарбаевтың арнайы Жарлығымен шілде айының бірінші жексенбісі Ұлттық домбыра күні болып белгіленген еді.

Осыған орай, Мұқыр ауылында «Бабалардың көзіндей қасиетті домбыра» атты мәдени шара ұйымдастырылды. Баға жетпес ұлттық өнерімізді өскелең ұрпаққа үйретіп, келешекке аманаттау, ұлттық рухымыз бен ұлттық дәстүрімізді насихаттау мақсатында өткен шарада домбырашылар тобы жұртшылыққа Құрманғазы, Дина, А.Жұбанов, Ә.Желдібаев, Қ.Ахмедиярдың күйлерін тарту етіп, күй өнерінің құдіреттілігі жайлы сыр шертті. Сондай-ақ, домбыраның сүйемелдеуімен Б.Досбосынов пен А.Ержанованың орындауында халық әндері мен «Қазақ осы», «Қазақы дастарханым», «Кең жайлау» әндері шырқалды.