Биылғы жылдан бастап, Қазақстан Республикасы Үкіметі №833 қаулысымен мереке күндерінің тізбесіне толықтыру енгізіліп, 24 қазан – Кітапханашылар күні болып бекітілді. Осыған орай, аудандық орталықтандырылған кітапханалар жүйесі қызметкерлері төл мерекені «Кітапханашы – ғажайып әлемге жол бастаушы» атты мерекелік шара өтті.
Мерекелік шарада аудандық мәдениет, тілдерді дамыту, дене шынықтыру және спорт бөлімінің басшысының міндетін атқарушы Гаухар Құрманғазиева және аудандық кітапхана директоры Талғат Базарбаев құттықтап, сала ардагерлері Сая Алтаева, Ақсүйрік Қапашева, Какима Қаракойшина, кітапханашылар Орын Тілеуғалиева, Гүлжамал Озғанбаеваларды қазақстандық кітапханалық одақтың «Қазақстанның құрметті кітапханашысы» төсбелгісімен марапаттады. Сондай-ақ, қазақстандық салалық мәдениет, спорт, туризм және ақпарат қызметкерлерінің кәсіподағы қоғамдық бірлестігінің Алғыс хатын кітапханашылар Гүлбану Шарафеденова, Ләйлагүл Махан, Айнаш Сүлеймен және аталмыш бөлімнің Алғыс хатын Айымгүл Биғалиева, Нұргүл Жиеналина, Кенжегүл Сатаева, Айшолпан Құсанова, Бибігүл Дайрабаева, Гүлнар Үмбетбаевалар иеленді. Ал, Қазақстан Республикасының кәсіподақтар федерациясының Алғыс хатымен Нұржамал Жексенғалиева марапатталды.
Шара барысында қазақтың көрнекті ақыны, аудармашы, сыншы Сағынғали Сейітовтің шығармаларын насихаттау мақсатында өткен республикалық аймақтық «Талант парасаты: екі ғасырмен егіз өрілген тағдыр» байқауының «Жыр болып тамсын жүректен...» аталымы бойынша қатысушы Роза Әбілханова, «Екі ғасырмен егіз өрілген тағдыр» мақала жазу бағыты бойынша Ойыл ауылдық кітапханасының оқырманы Данагүл Егінбай, «Мұраңызды ұрпақ жыр еткен...» мәнерлеп оқу бағыты бойынша қатысқан кітапханашылар Гүлжан Айсағалиева, Ажар Шоңбасова Алғыс хат иеленді. Одан соң, мерекелік кеш «Арман» мәдениет үйінде аудан өнерпаздарының концерттік бағдарламасымен жалғасты. Концерттен соң «Өнеге көзі – ата-салт, ұлттық дәстүр» тақырыбындағы жоспарлы семинарға ұласып, іс-тәжірибелік кеңестер беріліп, іскерлік ойын ойналып, әдістемелік көмекші құралдар таратылды. Мерекелік шара соңы, аудандық спорт кешенінде өткен «Көңілді эстафетамен» аяқталды. Оған кітапханашылардан құралған «Қыран», «Достық», «Жеңіс» топтары қатысып, нәтижесінде, «Қыран» тобы жеңіске жетіп, үш топта жүлделі сыйлықтармен марапатталды.
Нұрсәуле ЖАУЫНБАЕВА
