Таяуда Қызылорда облысы, Қазалы ауданында өткен Сыр мәдениетінің өркендеуіне өлшеусіз үлес қосып, өзіндік із қалдырған күйші, қобызшы Махамбет және Раманқұл Әуезовтер атындағы «Қастерлеп жүрсін - өнеріңді ұрпағың!» атты дәстүрлі республикалық отбасылық ансамбльдер байқауы болып өтті.

Оған Көздіғара ауылдық округіндегі «Самал» мәдениет үйі жанындағы Халықтық «Қарабалиндер» отбасылық ансамблі қатысып, II орынды жеңіп алды. 
Ұлттық өнер мен отбасы құндылығын ұлықтаған Халықтық «Қарабалиндер» отбасылық ансамблінің шығар шыңы әлі де алда екеніне сенім мол. Ендеше, шалқар шабыт пен тың туындылар тілейміз. 

Нұрсәуле СҮЛЕЙМЕНҚЫЗЫ