Сейсенбі күні аудан әкімі Қанат Әзмұханов облыстық «Жайдарман» ойындарында аудан намысын абыроймен қорғап, жеңімпаз атанған «Бес саусақ» командасының ойыншыларын қабылдады.
– Сіздердің қоғамдағы түрлі оқиғаларды қалжыңға толы әзілмен жеткізе білулеріңіз ғажап. Жеңістерің құтты болсын! Біз әркез Сіздердей жастардың бастамаларына қолдау білдіріп, көмек қолын созуға әзірміз. Алдағы республикалық ойындарында топ жаруларыңызға тілектеспіз, - деген аудан әкімі Қанат Әзмұханов команда ойыншылары тарапынан айтылған ұсыныс-пікірлерге де қолдау білдіретіндігін тілге тиек етті.
Бұдан соң осындай жетістікке жетуге зор септігін тигізіп, жан-жақты қолдау білдірген аудан басшыларына ризашылығын жеткізген аталмыш команданың капитаны Сәбина Кәдір мойындарына тағылған медальдің біреуін аудан әкімі Қанат Әзмұхановтың мойнына тақты.
