25 қазан күні Атырау қаласындағы Мемлекеттік рәміздер алаңында Республика күніне арналған Мемлекеттік Туды көтеру салтанатты шарасы өтті.
Мемлекеттік ту биіктігі 91 метр болатын тұғырға гимнді орындаумен көтеріліп, аспан астында көк байрақ желбіреді. Ұлттық мереке шарасына Атырау облысының әкімі Серік Шәпкенов, мемлекеттік және аймақтық мекемелердің өкілдері, спортшылар, әскери қызметкерлер және қала тұрғындары қатысты. Жалпы, іс-шараға 600-ден астам атыраулық жиналды. Шара соңында жергілікті өнерпаздар «Көк тудың желбірегені», «Сүйемін, Қазақстан» әндерін орындап, халыққа ерекше патриоттық көңіл-күй сыйлады.
Хұсни ХАМЗА
