Оған инклюзивті білімді қажет ететін 8-13 жас аралығындағы 60 бала қатысты, - деп хабарлайды Өңірлік коммуникациялар қызметі.
Фестиваль ерекше білім алуға қажеттілігі бар балалардың шығармашылық әлеуетін ашу, олардың дарыны мен мәдени ерекшелігін дамыту, инклюзивті қоғамда тәуелсіз өмір сүруіне ықпал ету мақсатында өтті.
- Шығармашылық фестиваль аясында балалар зергерлік бұйымдар мен киіз бұйымдарын жасауды үйренді, сонымен қатар арт-терапия, балшықпен емдеу және аспаздық сабақтарына қатысты. Бүгінгі шара балалардың өмірлік жағдайына қарамастан ойын еркін жеткізуге және жаңа нәрселерді үйренуге жағдай жасаудың маңызды екенін көрсетті,-деді «Теңіз жүрегі» жобасының жетекшісі Рысты Жексенбаева.
