Атырауда 200 орындық модульдік инфекциялық аурухана пайдалануға берілді 

Атырау облысы болжанып отырған пандемияның екінші толқынына дайындық шеңберінде бірқатар медициналық нысандарды ел игілігіне берді. Соның бірі Атырауда екі ай ішінде салынған 200 орындық модульдік госпиталь. Аурухана инфекциялық бақылаудың барлық стандарттарына сәйкес келеді. Облыс әкімі Махамбет Досмұхамбетов жаңадан пайдалануға берілген емдеу мекемесіне барып, жасалынып жатқан жұмыстарымен танысып шықты, - деп хабарлайды Атырау облыстық денсаулық сақтау басқармасының баспасөз қызметі. Мекеме диагностика және емдеу үшін заманауи медициналық жабдықтармен: компьютерлік томографпен, сандық рентген аппаратымен, медициналық газдар жүйесімен, УДЗ, ЭКГ, өкпені жасанды желдету аппараттары және басқалармен қамтылған. Медициналық мекемеде қауіпсіздік деңгейі жоғары ақылды желдету жүйесі орнатылған. Палаталарда әр төсекте медбикені шақыру түймесі бар. Оқшауланған бокстарға арнайы чиптер арқылы ғана кіруге болады. Сондай-ақ, 20 реанимациялық төсек қарастырылған. Госпитальда жергілікті медицина қызметкерлерімен қатар Грузия республикасынан келген дәрігерлер алты ай бойына жұмыс жасайтын болады.  «Ең бастысы, жаңа медициналық мекеме өңірдегі медициналық көмектің қолжетімділігі мен сапасын арттыруға мүмкіндік береді», - деді өңір басшысы Махамбет Досмұхамбетов.  Айта кетейік, медициналық мекеменің жалпы аумағы 8924 мың шаршы метрді құрайды. Медициналық нысанда 56 екі орындық, 16 үш орындық, 6 бір орындық палаталар және жеті екі орынды бокстар аулаға шығатын арнайы есіктерімен жасалған.

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика