"2021 жылы 10 мектеп қолданысқа берілді. 2022 жылы 11 мектептің құрылысын аяқтау жоспарлануда" деп хабарлайды Атырау облысы өңірлік коммуникациялар қызметі.
Атырау облысы білім беру басқармасының басшысы Сатқан Есенғалиевтің айтуынша, қалған мектептердің құрылысы 2023-2025 жылдары іске қосылатын болады. Демографиялық оң үрдіске байланысты үш ауысымды білім беру мәселесі 11 мектепте кездесіп отыр. Тамыз мәслихатында баяндама жасаған облыстық білім беру басқармасының басшысы Сатқан Есенғалиевтің айтуынша, Атырау облысында апаттық жағдайдағы 4 мектеп тіркелген.
- Бұл проблемалардың қай-қайсысы да кезең-кезеңмен шешіледі. Мәселелерді шешу үшін бүгінде облыста 15 мектептің құрылысы жүргізілуде, сонымен қатар 6 мектептің құрылыс жұмыстары басталады. Атырау облысы және Атырау қаласы бойынша үш ауысымды оқу және апатты мектептер мәселелері толықтай 2023 жылы шешіледі" деп нақтылады спикер.
Атап өтілгендей, қазіргі уақытта облысымыздың барлық мектебі жаңа оқу жылына толықтай дайын. 2021- 2022 оқу жылын 197 мектеп бастағалы отыр.
