Жыл түгесілер сәтте дәстүр бойынша әр аудан өз үздіктерін анықтап, ұлығылап жататыны белгілі. Соған сай, бүгін «Арман» мәдениет үйінде «Жыл үздігі-2024» шарасы өтті.
Салтанатты шараны ашқан аудан әкімі Қанат Әзмұханов:
– Биыл ауданымыз үшін табысты жыл болды десек артық айтқандық емес. Әуелі жыл басында көктемгі өр суы тасып, алайда, тасқынды ел болып тоқтатып ауызбірлік таныта білдік. Аудан тұрғындарының бұл ерлігі тұтас елге мәлім болды. Содан соң ауданның мерейлі 80 жылдығын тойладық. Жыл ішінде бірнеше әлеуметтік нысанды ашып, бірнеше тұрғын баспаналы болды. Әрине, мұның бәрі барша аудан халқының ерен еңбегі. Ендеше, өткен жылға өкпе жоқ, келе жатқан жаңа жыл берекелі болсын, - деген құттықтау тілегін жеткізді.
Бұдан соң аудан әкімі бір топ марапатталушыны Қазақстан Республикасы Президентінің Алғысымен, Қазақстан Республикасы Мемлекеттік қызмет істер агенттігінің «Мемлекеттік қызмет ардагері» төсбелгісімен, Қазақстан Республикасы Ауыл шаруашылығы министрлігінің «Еңбек ардагері» төсбелгісімен, Қазақстан Республикасы Ауыл шаруашылығы министрлігінің «Құрмет грамотасымен», Қазақстан Республикасы Төтенше жағдайлар министрлігінің «Төтенше жағдайдағы ерлігі үшін», Қазақстан Республикасы Төтенше жағдайлар министрлігінің «Құтқару операцияларына белсенді қатынасқаны үшін» төсбелгілерімен, Қазақстан Республикасы Төтенше жағдайлар министрлігінің «Құрмет грамотасымен», Қазақстан Республикасы Төтенше жағдайлар министрлігінің Алғыс хатымен және «Қызылқоға ауданының әлеуметтік экономикалық дамуына қосқан үлесі үшін» медальмен марапаттады. Сол сияқты шара барысында әр саланың үздіктері анықталып, оларға диплом мен арнайы жасалған статуэтка табысталды.
Шара одан әрі аудан өнерпаздарының мерекелік концертіне ұласты.
Жыл үздіктері:
1) Үздік мемлекеттік қызметші - Аудандық құрылыс, қала құрылысы және сәулет бөлімінің басшысы Нығметов Дулат Теңелұлы
2) Үздік депутат – Амантай Ризабек Амантайұлы
3) Үздік мұғалім - Тасшағыл орта мектебінің мұғалімі Құбашева Айгүл Мейрамқызы
4) Үздік тәрбиеші – «Балдырған» бөбекжай бала бақшасының тәрбиешісі Әжіғалиева Тойған Жалғасқызы
5) Үздік дәрігер - Аудандық аурухананың амбулаторлық, скринингтік және жедел станционарлық, ултрадыбыстық зерттеу дәрігері Зұлпыбекова Айгүл Бектұрсынқызы
6) Үздік мейірбике – аудандық аурухананың ултрадыбыстық зерттеу бөлімінің мейірбикесі Шуйншбаева Гүлшара Қабыланқызы
7) Үздік спортшы – Қызылқоға балалар жасөспірімдер спорт мектебінің жаттықтырушысы Жүніс Бекет Айтжанұлы
8) Үздік пара спортшы – Болат Ерсін Ғарифоллаұлы
9) Үздік жаттықтырушы - Сағыз балалар жасөспірімдер спорт мектебінің джиу джитсу жаттықтырушысы Бекбаулиев Аманжол Қырықбайұлы
10) Үздік әлеуметтік сала қызметкері - Аудандық мансап орталығының маманы Өтепова Кәмшат Бейбітқызы
11) Үздік қызмет көрсетуші – Аудандық әлеуметтік қамсыздандыру бөлімінің жетекші маманы Амангелдиева Рита Амангелдіқызы
12) Үздік су шаруашылығы қызметкері – Қазсушар Қызылқоға өндірістік учаскесінің механизмдерді жөндеу, автокөлік механигі Қожахметов Асылан Рахметоллаұлы
13) Үздік газ саласының қызметкері – Аудандық газ шаруашылығының автокөлік жүргізушісі Сарбухиев Айбек Амантайұлы
14) Үздік электромонтер - Аудандық электр жүйесінің электромонтері Сәрсенғалиев Ақылбек Серікбайұлы
15) Үздік байланысшы – Мұқыр байланыс бөлімшесінің шебері Сейілов Қуаныш Әжібайұлы
16) Үздік пошта қызметкері – Аудандық пошта байланыс торабының хат жеткізушісі Жансұлтанова Қасыл Қуанышқызы
17) Үздік мәдениет қызметкері – «Қаракөл» мәдениет үйінің директоры Берікқалиев Аманбек Бергенұлы
18) Үздік кітапханашы – Жамансор елді мекені кітапханасының кітапханашысы Жаумитова Айгүл Ғарифоллақызы
19) Үздік полиция қызметкері – Аудандық полиция бөлімі кезекші бөлімшесінің бастығы Сариев Фархат Сапарбайұлы
20) Үздік құтқарушы – №10 өрт сөндіру бөлімінің газ түтінін қорғау қызметінің аға шебері Қадыров Айболат Аймұратұлы
21) Үздік кәсіпкер – Айтжанов Ришад
22) Үздік шаруагер – «Нартай» шаруа қожалығының төрағасы Нартай Амандықұлы
23) Үздік ветеринар – Жамбыл ауылдық округі бойынша ветеринариялық бекетінің маманы Хасанова Гүлайым Мұхтарқызы
24) Үздік теміржолшы – Қазақстан теміржолы жүк тасымалының Сағыз станциясының кезекшісі Төрехан Бауыржан Бурабайұлы
25) Үздік мұнайшы – «Қайнармұнайгаз» мұнай газ өндіру басқармасының зерттеу жұмыстары цехының ұңғымаларды зерттеу жөніндегі операторы Бекен Жумагелдин
26) Үздік тілші – «Қызылқоға» газетінің І санатты тілшісі Ғұбайдуллин Дулат Берікұлы
27) Үздік есепші - Ығылман Шөреков атындағы мектеп гимназиясының бас есепшісі Өтеғали Нұргүл Жақсылыққызы
28) Жолаушы тасымалының үздігі – жеке кәсіпкер Жұмағалиев Жеңісбек Тілекұлы
