Әлемді әлдилеген әйел-ана, қыз келіншектер мерекесіне орай, «Арман» мәдениет үйінде салтанатты шара болып өтті.
Онда алдымен, сөз алған аудан әкімінің орынбасары Жарас Есенғалиев барша әйел-ана, қыз-келіншектерді төл мерекесімен құттықтап, бір топ аналарды марапаттады. Бұл ретте, Миялы балалар өнер мектебінің қызметкері Ақтоты Сарбухиева, Ш.Еркінов атындағы орта мектептің география пәні мұғалімі Әсемгүл Жанұзақова, «Нұр-Шуақ» бөбекжай балалар бақшасының тәрбиешісі Оңайгүл Айтуарқызы «Күміс алқамен» марапатталса, бір топ әртүрлі саладағы қыз-келіншектерге облыс әкімі, аудан әкімінің Алғыс хаты табыс етілді.
Шара соңы «Арман» триосының орындауындағы «Гүл сыйлайық әйелге» атты әнмен басталып, мерекелік концертке ұласты.
Нұрсәуле СҮЛЕЙМЕНҚЫЗЫ
