Биылғы 8 наурыз Халықаралық әйелдер күнін Қызылқоға ауданының тәртіп сақшылары ерекше атап өтуде.
Соның бірі – «Офицердің анасы» медалін табыс ету салтанаты. Салтанатты шарада құттықтау сөз алған аудандық полиция бөлімінің бастығы, полиция подполковнигі Нүркен Нұғманов:
– Құрметті аналар, бүгінгі келіп жеткен мерекелеріңізбен шын жүректен құттықтаймын. Сіздер тек офицер ғана емес антына адал, Қазақстанның нағыз патриоттарын тәрбиелеп, өсірдіңіздер. Сол үшін де үшін алғысымды білдіремін. Шаңырақтарыңызға береке, шаттық және амандық тілеймін, - деп, полиция қатарында үлгілі тәртіппен қазмет етіп келе жатқан ұл-қыздардың аналарына «Офицердің анасы» медалін табыс етті.
Сондай-ақ, бөлім бастығы полиция қатарындағы шенді арулар мен әйел қызметкерлерді де мерекемен құттықтап, оларға бөлімінің жеке құрамы атынан естелік сыйлықтар мен гүл шоқтарын сыйлады.
