Таяуда республикалық педагогтар арасында өткізілген «Жыл үздіктері-2021» байқауы өз мәресіне жетті.

Оған 6075 педагог қатынасып, соның ішінен 591 жеңімпаз анықталды. Қазақстан Республикасы Педагогтар қоғамының жарғысы негізінде конурстық жүйе бойынша анықталған жеңімпаздарға арнайы диплом, орден, медальдар табыс етілді.

Міне, осы байқауға қатынасып, барлық турдан жоғары деңгейде шыққан Ы.Шөреков атындағы мектеп-гимназиясының мұғалімдері Гүлфайруз Қуанышева «Ұстаз» орденіне, Гүлмира Оразова «Үздік педагог» медальна ие болды. Сөйтіп, олар ел алдында абыройларын асқақтатты.

Бұл білім беру саласына сүбелі үлес қосып келе жатқан қос ұстаздың еселі еңбегіне берілген баға екендігі сөзсіз.

Өз тілшіміз