Бүгін «Nur Otan» партиясы аудандық филиалында партияның сайлауалды штабының ашылу жиыны өтті.

Онда сөз сөйлеген аумақтық сайлауалды штабтың басшысы Толқын Бейсқали:

– Күні кеше сағат 18.00-де Қазақстан Республикасының Парламент Мәжілісі, мәслихаттар депутаттарын сайлау науқанының үгіт-насихат жұмысы басталды. Біздің штаб сайлау науқанына толық дайын. Ұйымдастырушылық және материалдық-техникалық мәселелер шешіліп, белсенділер мен сенімді тұлғалар дайындалды. Аумақтық сайлау комиссиясында біздің 24 кандидаттан тұратын партиялық тізіміміз тіркелді. Біздің сайлау науқанындағы басты ұранымыз – «Қиындықты еңсеріп, жеңіске бірге жетеміз». Бұл – жауапкершілік, партиямыздың бірлігі, ортақ мұраттар мен мақсаттарды ұстану, - деді.

Бұдан кейін «Nur Otan» партиясы аудандық филиалытөрағасының бірінші орынбасары Альберт Аққайнанов аудандық партия тізіміне енгізілген партия мүшелерінің тізімімен таныстырды.