Миялы ауылы іргесіне келген су айналма жолға тіреліп, сәт сайын қауіп төндіруде.
Соған орай, түс ауа “Миялы-Жангелдин” тас жолын жыру туралы шешім қабылданып, Қызылқоға ауданы әкімдігінің “Фейсбук” парақшасында хабарланды.
Көп ұзамай Миялы ауылына келген ауылдық округтердің көліктерін шығару жұмыстары ұйымдастырылды. Ал, сағат кешкі 5-тің шамасында арнайы техникамен асфальтті жыру жүмыстары жүргізілді. Нәтижесінде тас жол жырылып, тасқын су сол жырамен өтуде.