Бүгін Мұқыр ауылдық кітапханасында санитарлық талаптарды сақтай отырып, балалардың ой-санасын жетілдіріп, зияткерлік қабілетін дамыту мақсатында осындай тақырыппен зияткерлік сайысы өтті.

Үш бөлімнен тұрған сайысқа "Білгірлер" және "Тапқырлар" деп аталатын екі топтан құралған оқушылар мақал-мәтел, жаңылтпаш айтумен қатар жұмбақ шешуден де өз бақтарын сынады. Шараға белсене атсалысқан оқушылар алғыс хатпен марапатталды.

Ендеше, өз ойын толыққанды жеткізіп, туған жеріне, ана тілі мен әдебиетіне деген сүйіспеншілігін оятып, ұлтжандылыққа тәрбиелейтін осындай шаралар көп болса игі дейсің.

Әйгерім БАЙДӘУЛЕТ