Жаңа жыл қарсаңында «Арман» мәдениет үйінің ұжымы қайырымдылық акциясын ұйымдастырды.
«Қайырымдылық ісіңнен көрінетін асыл қасиет», дегендей, акция барысында мәдени қызметкерлер Миялы ауылындағы аз қамтылған, көпбалалы төрт отбасына азық-түлік (ұн, күріш, кеспе (рожки), қант, өсімдік майы) себетін сыйлады. Азық-түлік себетін тапсырған ұжым басшысы Кенжебек Бисенбаев отбасы мүшелеріне денсаулық, бірлік, табыс тіледі.
Сондай-ақ, бұл күні ұжым мүшелері «Арман» мәдениет үйі ардагерлері Жәния Ізбасқан, Хиюа Амирешова, Несібелі Шыңдауылова, Сағидолла Яқыптарға жаңа жылдық сый-сияпаттарын табыс етті.
Бауыржан САҚТАСИНОВ
