Әрдайым, көктемнің шуақты мерекелерінің бірінде әріптес аналар мен қыз-келіншектерді, арулар мен ақ жаулықты әжелерді қуантуды жөн санап, түрлі мерекелік шаралар ұйымдастырып келе жатқан аудандық Полиция бөлімі халықаралық әйелдер күні аталмыш бөлімнен зейнеткерлік демалысқа шыққан Күнжан Ахметованың үйіне ат басын бұрды.

Бұл ретте, аудандық Полиция бөлімі бастығының бірінші орынбасары, полиция подполковнигі Марат Көптілеуов пен аталмыш бөлімнің Бастауыш ардагерлер ұйымының төрағасы Аманжол Ерғалиев Күнжан Аққалиқызын әріптестері атынан төл мерекесімен құттықтап, сый-сияпат табыс етті. Ізгі тілегін арнап келген әріптестеріне  дән риза болған ол ақ батасын беріп, қызметтеріне жемісті еңбек тіледі.

Өз тілшіміз