Ауданның ең шекті нүктесі саналатын Жамансор елдімекенінің тұрғындары да бүгінгі референдумда белсенділік танытуда. Таңғы сағат 7:00-ден бастап Жамансор бастауыш мектебінде орналасқан.

161 референдум учаскесіне келіп, таңдауын жасаған тұрғындардың арасында зейнеткер, “Алтын алқа” иегері Сағира Әбілова да бар. “Соңғы жылдары елімізде көптеген өзгерістер орын алуда. Соған қуаныштымыз. Осы орайда,  бүгін өз таңдауымды жасадым” дейді ол. Айта кетейік, бұл елдімекенде 316 сайлаушы бар. Учаске төрағасы Жылқышы Намазбаевтің айтуынша, елдімекен тұрғындарынан бөлек ауыл маңында жұмыс жасап жатқан “Ембімұнайэнерго” ЖШС-нің 33 жұмысшысы да осы учаскеге келіп, дауыс беруге өтініш берген. Ал, осы учаскеге тіркелген Кенбай стансасының 65 тұрғынына дауыс беру жәшігін  апару арқылы таңдау жасауға мүмкіндік беріледі.

Дулат Мәтжан