Жақында аудандық жұмыспен қамту орталығының ұйымдастыруымен аудандық жастар ресурстық орталығының ғимаратында «Бос жұмыс орындары» жәрмеңкесі өтті.
2021-2025 жылдарға арналған кәсіпкерлікті дамыту жөніндегі ұлттық жоба аясында, халықты еңбекпен қамтуға жәрдемдесу бағытында және жұмыссыз жүрген борышкерлерді, пробация есебінде тұрған жұмыссыздарды жұмысқа орналастыру мақсатында ұйымдастырылған жәрмеңкеге Теңіз қалашығындағы және аудан аймағындағы мұнай компаниялары, аудандағы 10 мекеме қатысты.
Аталмыш мекемелерден жұмыс іздеген адамдарға 37 бос жұмыс орындары ұсынылды. Нәтижесінде, 6 адам тұрақты жұмысқа, 1 адам «Алғашқы жұмыс орны» жобасы бойынша жұмысқа орналасты. Ал, қалған жұмыс іздеушілердің түйіндемелері жинақталып, мамандықтары бойынша тиісті мекемелерге жіберілді.
Бауыржан САҚТАСИНОВ
