Атырауда республикалық жастар боксының жеңімпаздары анықталды

17-23 мамыр күндері "Атырау" спорт кешенінде бокстан Қазақстан Республикасының V жастар спорттық ойындары өтті.

Нәтижесінде, Атырау облысының командасы 2 күміс және 5 қола жүлдеге ие болды.

Атап айтқанда, ұлдар арасында 64 келіде Бітімов Бекзат және қыздар арасында 69 келіде Ищанова Ақнұр күміс медаль еншіледі.

Ал, қола жүлдеге ұлдар арасында 46 келіде Рүстем Айдар мен 81 келіде Приданов Данил және қыздар арасында 48 келіде Мұхиденова Алфия, 51 келіде Бағыт Дилназ және 54 келіде Тлепқалиева Жасмина ие болды.

Жалпыкомандалық есепте қыздар арасында Алматы қаласы бірінші, Түркістан облысы екінші және Қарағанды облысы үшінші тұғырдан көрінді. Ұлдар арасында Шымкент қаласы үздік атанса, Жамбыл облысы мен Алматы қаласы сәйкесінше екінші және үшінші орындарға табан тіреді.

Жалпы, сайысқа еліміздің барлық өңірінен 370-тен астам былғары қолғап шеберлері қатысты. Үздік шыққан спортшыларды сайыстың арнайы қонақтары, Олимпиада ойындарының чемпиондары Бақтияр Артаев пен Спорт және дене шынықтыру істері комитетінің төрағасы Серік Сапиев марапаттады.

"Атыраудағы бокс федерациясы тың серпінмен жұмыс жасап, өңірдегі осы спорт түріне деген қызығушылықты оятады деп сенемін. Төрт жылда бір рет ұйымдастырылатын жарыс өте жоғары деңгейде өтіп жатыр, ұйымдастырушыларға ризашылығымды білдіремін" деді Серік Сапиев.

Айта кету керек, 2017 жылғы ойындарда атыраулық боксшылар 1 күміс және 1 қола медальды қанағат тұтқан болатын.

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика