Аққора ауылдық кітапханасының ұйымдастыруымен осындай тақырыпта кездесу кеші өткізілді.  

Шара барысында, Аққора ауылдық кітапханасының кітапханашысы  Нұрсәуле Өтеубаева аналарды мерекемен құттықтап,  видеоролик көрсетті. Одан соң, зейнеткер кітапханашы Гүлбаршын Бекбергенованың өмірбаяны қысқаша баяндалды. 
Кеш барысында, ол  «Асыл ана» (А.Бажанова), кітапханашы Нұрсәуле Өтеубаева «Жан ана» ( Қ.Сәтмұхамбетова) әндерін әуелете  шырқады. Одан кейін, оқырмандардың ана туралы мақал-мәтелдерді қаншалықты білетіндіктерін білу үшін «Мақалды жалғастыр» ойыны ойнатылды. Шара соңында, ауыл тұрғындары мерекелік құттықтауларын айтып,  осындай тағылымы мол шара үшін кітапхана қызметкеріне зор ризашылықтарын білдірсе,  кеш қонағына аталмыш кітапхана атынан мерекелік сыйлық табысталды.

Нұрсәуле ЖАУЫНБАЕВА