Қызылқоға ауданына арнайы келген Атырау облысы әкімінің орынбасары Қ.Нұртаев, облыстық Төтенше жағдайлар департаменті бастығының міндетін атқарушы Н.Жаңабаев, аудан әкімі Қ.Әзмұхановпен бірге су тасқынының алдын алу бағытындағы жұмыстармен танысып, «Жер Су» шаруа қожалығына қарасты «Әндір» қыстағындағы қойларды шығару қызметін көздерімен көрді.
Одан соң, су қоршауында қалған Аққора елді мекенінде болды. Онда бір "К-700" тракторы мен Миялы ауылынан барған мекеме қызметкерлерінен құралған еріктілер, Ойыл, Жангелдин ауылдық округтерінің жастары жұмыс жасауда. Құтқарушыларға қажетті құрал-жабдықтар мен Миялы ауылындағы кәсіпкерлердің қолдауымен азық-түлік жеткізілуде. Жол қатынасы болмағандықтан құтқарушылар, барлық қажетті заттар, азық-түліктер қайықпен жеткізілді.
