Аудандық жұмыспен қамту орталығының ұйымдастыруымен Жастар ресурстық орталығы ғимаратында «Бос жұмыс орындары» жәрмеңкесі өтті.
Ондағы мақсат – 2021-2025 жылдарға арналған кәсіпкерлікті дамыту жөніндегі ұлттық жоба аясында жұмыссыздарға түсінік жұмыстарын жүргізіп, жұмыссыздық деңгейін азайту.
Жәрмеңкеге 68 адам қатысып, аудан көлеміндегі жер қойнауын пайдаланып отырған мұнай компаниялары, Теңіз қалашығындағы, аудандағы 9 мекемеден 45 бос жұмыс орындары бойынша қатысқан адамдарға мамандықтары ұсынылды. Сонымен қатар, «Сағыз Петролеум Компани» ЖШС-нің орталық инженерлік-техникалық қызмет бастығы Қуаныш Жұмабекұлы жергілікті жұмыссыздарға жұмыс барысы жөнінде түсінік жұмыстарын жүргізіп, бос жұмыс орындарын ұсынды. Нәтижесінде, 9 адам тұрақты жұмысқа орналасса, қалған жұмыс іздеушілердің түйіндемелері жинақталып, мамандықтары бойынша тиісті мекемелерге жіберілді.
Нұрсәуле ЖАУЫНБАЕВА
