Аудандық орталық кітапхананың бірыңғай қорларды ұйымдастыру және пайдалану секторының ұйымдастыруымен қарымды қаламгер, Қазақстан Жазушылар Одағының мүшесі, Махамбет сыйлығының иегері, драматург-жазушы Берік Қорқытовтың туғанына 90 жыл толуына орай «Қазыналы қаламгер» атты тақырыптық кеш өтті.

Мақсат – драматург-жазушы Берік Қорқытовтың драмалық шығармаларын, тарихи шежірелік туындыларын оқырмандарға насихаттау болатын. Шара барысында, Б.Аманшин атындағы орта мектептің 8-сынып оқушылары Іңкәр Төлебаева мен Дана Қалыбай қаламгердің облыстық «Атырау» газетінде жарияланған «Алғашқы адым», «Бірінші редакторым – Сүлеймен Сауырғалиев» атты естелік мақалаларын оқып, кітапхана қызметкерлері оқырмандарға Берік Қорқытовтың өміртарихын таныстырды.

Гүлмира МАҚСОТҚЫЗЫ