Таяуда Махамбет ауданында ауыл спортының жанашыры, білім саласының үздігі Марат Аменовты еске алуға арналған волейболдан 2012-2013 жылы туған жасөспірім қыздар арасындағы облыстық ашық турнир болып өтті.
Жарысқа 12 команда қатысып, Қызылқоға балалар-жасөспірімдер спорт мектебінің қыздар волейбол командасы үздік ойын өрнегін көрсетті.
Атап айтсақ, топтық кездесулерден топ жарған аудан командасы жартылай финалда Жылой командасын 2:0 есебімен жеңсе, финалдық кездесуде Исатай командасын да 2:0 есебімен ұтып, І орынды иеленді.
Сондай-ақ, жарыстың «Үздік ойыншысы» атағын команда ойыншысы Іңкәр Жаңабай иемденді. Осы тұста, осындай үздіктерді дайындаған жаттықтырушы Айбол Ысқақовтың еңбегі орасан зор екендігін айта кеткен жөн.
Нұрсәуле ЖАУЫНБАЕВА
