Аудандағы сайлау учаскелерінің барлығы да сайлаушыларды сағат 7.00-ден бастап қабылдады.
Олардың қатарында Кенбай елді мекеніндегі Т.Жанұзақов атындағы бастауыш мектебінде орналасқан №158 сайлау учаскесі де бар.
Учаскеге тіркелген 64 сайлаушының барлығы да Кенбайдың тұрғыны. Ауылдағы сайлауға қатысып, дауыс беруге құқылы адамдар сайлауға түгел дерлік қатысты. Сайлаудан қалмайтын ерлі-зайыпты Қуандық Әділов пен Гүлсім Әділованың пікірінше, ҚР Парламенті Мәжілісі және жергілікті мәслихат депутаттарының кезекті сайлауына қатысу зор мәртебе әрі үлкен жауапкершілікті де талап етеді.
Бұл еліңнің, жеріңнің, ұрпағыңның болашағы үшін өз үлесіңді қосуға берілген мүмкіндік.
