Иә, Атырауда мұнай-газ форумы өтті. Оның бізде ұйымдастырылғаны көңіл қуантарлық жағдай. Ірі және негізгі жер қойнауын пайдаланушылар бар, сондықтан Атырауда бұл форум өтуі керек деп санаймын. Оған тек бизнес субъектілерін ғана емес, қоғам қайраткерлерін де шақыру керек.
Кейде біз мұндай іс-шараларды өткізу туралы білмеуіміз мүмкін. Бізді шақырса немесе ресми хабарландыруларды көрсек, ұйымдастырылған қоғамдық тыңдауларға қатысамыз Әрине, инвестиция өте жақсы және біз оны да құптаймыз. Бірақ қоғам қайраткері ретінде айтайын, менің ойымша, инвесторлар, ең алдымен, жергілікті кадрларды жұмысқа орналастыруға баса назар аударуы керек, егер олар белгілі бір компания қойған біліктілік талаптарына сәйкес келсе. Соның ішінде, еліміздің және әлемнің үздік жоғары оқу орындарында оқитын және оқу мен практикада өзін жақсы көрсететін жастарды тарту қажет. Мен ҚР Энергетика министрлігінің Қоғамдық кеңесінің мүшесімін, онда "ТШО", "НКОК", "КПО" сияқты ірі мұнай-газ компаниялары міндетті түрде тыңдалады, онда қазтұтынуды арттыруға назар аударылады. Осыған байланысты, негізінен, ірі қазақстандық компаниялар тартылатынын айтқым келеді. Бірақ ШОБ өкілдерінен тауарлар мен қызметтерді сатып алуға көп көңіл бөлу қажет. ШОБ қатысатын ірі жер қойнауын пайдаланушылардың жобаларындағы қазақстандық қамтуды жылдан жылға ұлғайту қажет. Бұл тағы да жұмыс орындары, салықтар, трансферт-технологиялар. Біз мұны нақты түсінуіміз керек, өйткені шағын және орта бизнес өзін ғана емес, кем дегенде үш-бес қазақстандық отбасын да тамақтандырады. Негізінде, біз бұл мәселелерді көтеріп жатырмыз, бірақ қазір дәл осы бағыттарға баса назар аударғымыз келеді.
Балжан ДОСМҰХАМБЕТОВА,
Қазақстан Халық партиясы облыстық филиалының төрағасы, Атырау қоғамдық кеңесінің мүшесі
