Атырау облысы аумағында 20 мамыр - 20 маусым аралығында “Қауіпсіз жол” іс-шарасы аясында республикалық «Жолда қабылдау» акциясы өтті. Іс-шара патрульдік полиция батальоны, әкімшілік полиция бөлімі, жергілікті полиция қызметі бөлімі бірлесуімен ұйымдастырылды.
Акция барысында мамандар жол қозғалысына қатысушыларға құқықтық кеңес беріп, қоғамдық және жол қауіпсіздігін қамтамасыз ету, жол-көлік оқиғаларының алдын алу, көші-қон заңнамасын сақтау сияқты маңызды мәселелер бойынша тұрғындардың сұрақтарына жауап берді.
Бұдан бөлек, полиция қызметкерлері көлік жүргізушілеріне жол-көлік оқиғаларына себеп болатын факторлар туралы түсіндіру жұмыстарын жүргізіп, арнайы брошюралар таратты.
— “Жолда қабылдау” акциясының басты мақсаты — қала тұрғындары мен қонақтарына жаяу жүргіншілер мен жүргізушілердің жол қозғалысы ережелері, жол-көлік оқиғаларының алдын алу, сондай-ақ басқа да көкейкесті сұрақтар бойынша кеңес беру және ақпараттандыру болып табылады — деді Атырау ҚПБ патрульдік полиция батальоны командирінің қызмет жөніндегі орынбасары Өсер Жәңгірхан.
Құрметті жол қозғалысына қатысушылар!
Егер полиция қызметкерлеріне қатысты сұрақтарыңыз немесе ұсыныстарыңыз болса, аталған акцияға белсенді түрде қатысып, пікір білдіре аласыздар.
