«Таза Қазақстан» экологиялық акциясы еліміздегі қоршаған ортаның жағдайын жақсартуға, табиғатты аялауға және тұрғындардың экологиялық мәдениетін қалыптастыруға бағытталған игі бастама. Акция аясында әрбір тұрғын өз ауласын, көше бойын және қоғамдық орындарды таза ұстауға атсалысып, ортақ іске үлес қосуда.
Аталған акция Мақат ауданында да жүйелі түрде жүзеге асырылуда. Әсіресе коммуналдық сала қызметкерлері қолайсыз ауа райына қарамастан, көшелерді жауын-шашыннан тазалау жұмыстарын үздіксіз атқарып, ауданның көркі мен тазалығын сақтауға күш салуда.
Сонымен қатар аудандық жастар ресурстық орталығының еріктілері еңбек адамдарына қолдау көрсетіп, ыстық шай мен тәтті тағамдар таратуда.
МТ
