Бүгін Сағыз ауылындағы «Шұғыла» мәдениет үйінде «Work and life» тренинг орталығының жетекшісі Нұрлан Азаматов жергілікті жастармен кездесіп, «Көшбасшылық және көпшілік ортада сөйлеу» тақырыбында семинар өткізді.
«Өркениет» жобасы аясында облыстық ішкі саясат басқармасының қолдауымен, «Жеті жарғы» қоғамдық қорының ұйымдастыруымен өткен семинар барысында спикер Нұрлан Азаматов өзінің қысқаша жеке өмірбаянын таныстырып, көшбасшы болу, көпшілік алдында сөйлеу, адамдармен байланыс орнату, жетістікке жету бағытында өз тәжірибелерін ортаға салды. Өз кезегінде ауыл жастары спикерге көкейде жүрген сауалдарын қойып, тұшымды жауаптар алды.
