Бұл сұраққа ҚМДБ төрағасының орынбасары, наиб мүфти Ершат қажы Оңғаров жауап берді.

«Ұмытып ішіп-жеу оразаны бұзбайды. Бірақ ұмытқан адам есіне түскен кезде жеуді дереу тоқтатуы керек; 

Құлаққа су кіру, топырақ, шаң, ұнның тозаңы, қардың ұшқыны, жауынның тамшылары тамаққа еріксіз кірсе, ораза бұзылмайды;

Қан алдыру немесе сүлік салдыру; көзге, құлаққа дәрі тамызу; мисуак немесе тіс пастасын қолдану оразаны бұзбайды. Бірақ паста ішке кетіп қалса бұзылады. Ең абзалы таң намазы кірмей тұрып тісті жуу» дейді діндар.