Мамин мен Сапарбаев мінген тікұшақ апатты жағдайда қонды

12 маусым күні Жамбыл облысы Қордай ауданына жұмыс сапарымен келген ҚР Премьер-Министрі Асқар Мамин мен Жамбыл облысының әкімі Бердібек Сапарбаев мінген тікұшақтан ақау шығып, апатты жағдайда қонуларына тура келген. Бұл жайында «Қазавиаспас» АҚ қоғаммен байланыс бөлімі хабар таратты.

«Тікұшақ Жамбыл облысындағы Қордайда тәртіпсіздік болған аумақты айналып жүргенде есептегіш гидравликалық жүйе істен шыққан. Бортта Премьер-министр Асқар Мамин мен Жамбыл облысының әкімі Бердібек Сапарбаев болды. Оларда бәрі жақсы. Барлығы дін-аман екінші бортқа отырғызылды. Енді азаматтық авиация саласындағы уәкілетті орган, яғни Индустрия және инфрақұрылымды дамыту Министрлігімен ақауды анықтау үшін комиссия құрылады. Комиссия тікұшақтың бұзылу себептерін анықтайды», – дейді ІІМ ТЖК «Қазавиаспас» АҚ қоғаммен байланыс жөніндегі маманы Анар Хамитова.

Осылайша Премьер-Министр Мамин мен облыс әкімі Сапарбаевты Құдай қағып отыр. Аталған жайт бойынша қазір арнайы тексеріс жұмыстары басталды. Естеріңізге сала кетсек, қос лауазымды тұлға да кешеден бері коронавирус індетіне байланысты оқшаулауда жатыр.

 Дереккөз: aikyn.kz

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelsizdikke-30-zhyl

Aqprint

Байланыс номерi :     +7 775 798 46 24     +7(7122) 45-85-21