БІР ҮЙДІҢ БАЛАСЫНДАЙМЫЗ

Жақында Германия елінде қауіпсіздік жөніндегі 56-шы Мюнхен конференциясы өткені белгілі.

Жер-жаһанның қауіпсіздігі мен тұрақталығына арналған мәртебелі жиынға әлемнің маңдайалды мемлекеттерінің президенттері мен үкімет басшылары қатысып, дүниежүзін алаңдатқан ортақ мәселелер бойынша пікір алмасты. Бұл конференция біз үшін Қазақстан Республикасының президенті Қасым-Жомарт Тоқаевтың «Географиялық орналасудың маңызы: Орталық Азиядағы қазіргі жағдай» тақырыбында баяндама жасауымен есте қалды. Баяндамада Қазақстанның сыртқы саяси басымдығы және еліміздің Ресеймен, Қытаймен, Еуроодақпен, АҚШ-пен, Ауғанстанмен өзара қарым-қатынастары туралы әңгімелеген Мемлекет басшысы қауіпсіздік бағытында елімізде жасалып жатқан жұмыстарға да тоқталды. Оның ішінде есірткі тасымалы мен терроризмге қарсы күрес, елімізде жүзеге асырылған «Жусан» операциясы жайлы да кеңінен баяндап, Орталық Азияның жаһандық геосаясаттағы рөлі арта түскенін де атап өтті.

Күллі әлемнің күйіп тұрған мәселелері көтерілген Мюнхень конференциясында президент Қасым-Жомарт Тоқаевтың баяндама жасап, өзекті тақырыптарды көтеруі еліміздің әлем алдындағы беделін биіктете түскені анық. Мәртебелі жиында өңірдегі қауіпсіздікті қамтамасыз ету перспективалары жайында пікір айтқан президент «Бір белдеу, бір жол» бастамасының жүзеге асырылу барысындағы Қазақстанның экономикалық мүмкіндіктеріне де тоқталды. Үш күнге созылған конференция барысында Сирия дағдарысы, Таулы Қарабах дауы, Қытай елінен бастау алған короновирус ауруы сынды бірқатар мәселелер көтеріліп, олардың шешілу жолдары сөз болды. Тұтас әлемнің тұрақтылығына арналған жиында мемлекет басшысы Қасым-Жомарт Тоқаев әр мәселеге өзінің ой-пікірін білдіріп, елімізде бейбітшілік салтанат құрғанын жеткізді.

Расыменде, қазір мемлекетіміз күн санап өркендеп, ай санап жаңаруда. Отыз жылға жуық татулықтың туы желбіреп, еліміздегі ұлттар мен ұлыстар бір үйдің баласындай күн кешуде. Қорыта айтқанда, еліміздегі бірлік пен береке көптеген елдерге үлгі боларлық үрдіс.

Толқын БЕЙСҚАЛИ,

аудандық мәслихат хатшысы

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика