Атырауда қоғамдық тамақтану орындарының жұмыс уақыты ұзарды, деп хабарлайды ҚазАқпарат.
Бұл туралы облыстың бас санитар дәрігері Мәдениет Танауовтың бүгінгі қаулысында айтылған. «Қоғамдық тамақтану объектілеріне сағат 07:00-ден 24:00-ге дейін (ұжымдық іс-шаралар өткізбей, 50-ден аспайтын отыратын орынмен, 50% дейін толтырылу, үстелдер арасындағы қашық кемінде 2 метр сақталуын қамтамасыз етіп), фудкорттар тек жеткізу қағидасы бойынша штаттық режимде жұмыс кестесін белгілей отырып жұмыс жасауға рұқсат етіледі» -делінген құжатта.
Сондай-ақ, күшейтілген санитариялық-дезинфекциялық режимді сақтай отырып, азық-түлік және азық-түлік емес базарлардың жексенбіде жұмыс істеуіне тыйым сала отырып, жұмыс кестесі сағат 09.00-ден 20.00-ге дейін, сауда үйлері мен орталықтары (павильондар, бутиктер), сауда желілері сағат 09.00-ден 22.00-ге дейін (толтырылуы объект сыйымдылығының 30%-нан асырмай, 1 келушіге 4 шаршы метрден кем емес), олардың ішіндегі азық-түлік супермаркеттері мен дәріханаларды қоспағанда жұмыс істеуіне рұқсат етілген.
Ал жексенбіде жұмыс жасауына тыйым салынған.
Дереккөз: inform.kz
