Қазіргі таңда 13 қылмыстық іс тергеліп жатыр. Тағы екі көліктің дерегі айқындалмаған.

Атырауда шетелдік қымбат көліктерін жеке кәсіпкер Нысанбек Бақтыбаевқа келісімшартпен жалға беріп, артынан сан соғып қалған азаматтар полиция басқармасына келіп наразылық білдірді. Сөздерінше, оларға кәсіпкер ай сайын 500 мың теңгеден төлеуі тиіс болған, деп хабарлады 31 арнаның Информбюроақпараттық бағдарламасы.

Кәсіпкер ай өтпей жатып жалға алған мүлікті сатуға шығарған.  

"Мен хабарландыру бойынша өз көлігімді өзім алайын деп келіп тұрмын. Сатушының маған айтқаны айтқаны: "қазір алатын болсаң құны 7 миллион 700 мың теңге, жылдам ақша керек болып тұр. Екі күн күтсең, ресейлік не қазақстандық нөмір дайын болады", – дейді көлік иесі Нариман Төлегенов.