Қаралы үйдің дастарқаны - той емес

Таяуда «Бәйтерек» мешітінде «Иман жастары» еріктілер тобының ұйымдастыруымен ауыл тұрғындары мен жамағаттарының басын қосқан жиын өтті.

Онда сөз алған аталмыш мешіттің бас имамы Мұрат Сұлтанов жаназа мен садақалардағы ысырапты азайтып, бірізділікке түсіру қажеттілігін атап өтіп, Қазақстан мұсылмандары діни басқармасының Атырау облысы бойынша өкілдігі бекіткен садақаның ас мәзірін таныстырды.

Оның айтуынша, адамы қайтыс болып, қара жамылып отырған үй әлі де садақа дастарқанын жаю барысында ысырапшылдыққа бой алдырып келеді. Әрине, қаралы үйдің дастарқаны – той емес. Қазіргідей салаттың түр-түрі, мүше-мүше ет, алуан жеміс-жидек емес, ең қажетті деген тағамдар тұрса жеткілікті. Бұл ретте, қасиетті Құранда: «Ішіңдер, жеңдер бірақ, ысырап қылмаңдар. Өйткені, Алла ысырап етушілерді жақсы көрмейді!» деп жазылған.

Сондықтан, садақа дастарқаны қарапайым ғана жасалуы тиіс. Жиында ауыл тұрғындары Жаубасар Мұқанбетов, Хамидолла Әбдірахманов, Сүйеуғали Дүйсәлиев, Табылды Құмарғалиев, Мәлік Сүлейменов, Еркін Көптілеуовтер бас имамның пікірін құптап, көтеріп отырған мәселені қолдайтындықтарын білдірді. Жиын барысында жаназа шығару, садақа дастарқаны туралы шағын бейнебаян көрсетіліп, қатысушыларға «Жаназа және жерлеу рәсімдері» кітабы мен ас мәзірінің үлгісі таратылды.

Бауыржан САҚТАСИНОВ

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика