Аудандық сотта екі күдіктіге қатысты "күзетпен ұстау" түріндегі бұлтартпау шарасына санкция беру туралы өтінішхат қаралды.

Күдіктілердің іс-әрекеттері Қазақстан Республикасы Қылмыстық Кодексінің 188-бабы, төртінші бөлігінің үшінші тармағымен сараланған. Іс құжаттарына сәйкес, күдіктілер адамдар тобының алдын ала сөз байланысуымен, өрісте жайылып жүрген жәбірленушіге тиесілі 27 бас жылқыны барымталап, жалпы құны 9 450 000 теңге материалдық шығын келтірген.

Сот қаулысымен екі күдіктіге де, екі айға "күзетпен ұстау" түріндегі бұлтартпау шарасына санкция берілді. Сот қаулысы заңды күшіне енді.

Өз тілшіміз

Сурет: ашық дереккөзден