Қандай жағдайда әлеуметтік төлем берілмейді?

Жеке куәлігінің мерзімі карантин кезінде өтіп кеткен азаматтар жәрдемақы тиесілі болған жағдайда тиісті орындарға өтінім бере алады.

Бұл туралы ​ Жергілікті өңірлік коммуникациялар қызметінде өткен онлайн брифингте Атырау облысы бойынша ​ Мемлекеттік әлеуметтік сақтандыру қорының басшысы Алмагүл Шатенова хабарлады.​ "42 500 теңге көлеміндегі жәрдемақы тиесілі санаттағы азаматтың жеке куәлігінің мерзімі карантин жарияланғаннан кейін өтіп кеткен болса, жәрдемақы тағайындалады.​ Бірақ, карантинге дейін куәлік мерзімі өткен болса төлем төленбейді" деп атап өтті спикер.​

Сондай ақ, Алмагүл Шатенова қандай жағдайда әлеуметтік көмектің берілмейтініне де тоқталып өтті. "Мемлекет тарапынан тағайындалған жәрдемақы ұлттық басқару холдингі, ұлттық холдинг, ұлттық компания қызметкерлеріне төленбейді. Сонымен бірге, Қазақстанда тұрмайтын азаматтарға, ​ бірнеше жерде жұмыс жасап жүргендерге және соңғы бір жыл бойына ешқандай ​ әлеуметтік төлем, зейнетақы төлемдері түспеген азаматтарға берілмейді.​

Және карантин кезінде қайта жұмысқа шыққан азаматтарға немесе адам қайтыс болған жағдайда әлеуметтік ​ төлем толықтай тоқтатылады" деп нақтылады спикер. Қазіргі таңда Атырау облысы бойынша әлеуметтік төлем бойынша бір күнде 10-15 мың өтінім қаралуда.​

Еске сала кетсек, күні бүгінге дейін Атырауда 107 340 адамға 42 500 теңге көлеміндегі жәрдемақы төленді.​

Атырау облысы бойынша Төтенше жағдайды қамтамасыз ету жөніндегі шұғыл штабы

Сурет: ашық дереккөзден

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelsizdikke-30-zhyl

Aqprint

Байланыс номерi :     +7 775 798 46 24     +7(7122) 45-85-21