Таяуда «Жамбылдың әсем жырлары» тақырыбында Алматы қаласындағы «Talantty jastar» продюсерлік орталығы жыр алыбы Жамбыл Жабаевтың 175 жылдық мерейтойына арналған халықаралық өнер және білім онлайн-байқауын ұйымдастырды.

Елбасының «Болашаққа бағдар: рухани жаңғыру» бағдарламасы аясында ұйымдастырылған аталмыш байқауға «Арман» мәдениет үйі жанындағы «ДоМиСоль» ән үйірмесінің оқушысы Альбина Елбай қатысты. Вокал бөлімі бойынша бағын сынаған жас әнші байқау қорытындысымен бас жүлдені жеңіп алып, аудан мерейін үстем етті. Бұл ретте, әншіні байқауға дайындаған үйірме жетекшісі Нұржанат Нұрболатқызының еңбегі зор екендігін айта кеткен жөн.

Бауыржан САҚТАСИНОВ