Айттаймын деп ауруды ушықтырмайық

Көп ұзамай күллі мұсылман баласының қасиетті мерекесі саналатын Құрбан айт мейрамы басталады.

Бұл әлімсақтан өзін мұсылман санайтын біздер үшін де ерекше күн, айтулы шара. Бұған халқымыздың жыл сайын құрбан шалып, етін жоқ-жітікке таратып, артынша бір-бірінің үйіне айттап қонаққа баратыны дәлел.

Алайда, биылғы Құрбан айтты бұрынғыдай тойлай алмаймыз. Оған себеп – әлемді де, елімізді де әбігерге салып отырған коронавирус дерті. Аурудың өршуіне орай Қазақстан мұсылмандар діни басқармасының бас муфтиі бастап, басқа имамдар қоштап бүкіл халықты мейрам екен деп қауіпсіздікті ұмытып кетпеуге, сақтық шараларын сақтауға шақырып жатыр. Басты байлық денсаулық екенін жете түсінген мешіт имамдары айт намазының да оқылмайтынын ескертті. Малды онлайн түрде құрбан шалатын арнайы бағдарлама енгізіп жатқанын да естіп отырмыз. Аузы дуалы дін мамандарының бұл бастамасын мен де толық қолдаймын. Жер-жаһанды жаулаған қауіпті індеттің қарқыны әлі де басылған жоқ, вирус толық жойылған жоқ. Тек соңғы күндері карантиндік режимнің арқасында көрсеткіш сәл төмендеді.

Ертеңгі күні Құрбан айт деп бәріміз айттап, мерекелеп кетсек қайтадан өршіп кететін түрі бар. Сондықтан құрбан шаларда көп адамды жинамай, санитарлық талаптарды сақтаған абзал. Одан да пәле-жәле тезірек кетсін, аурудан тезірек құтылайық деп дұға етейік. Мешіт имамдарының айтқанына құлақ асып, сабырлық танытайық. Әлі талай ел болып құрбан шалып, көпшілік болып айт мерекесін тойлайтын күніміз келер. Алла сол күнге жеткізуді нәсіп етсін.

Есенбай НҰРОВ,

белсенді азамат

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика