Кеше  Халықаралық балаларды қорғау күніне орай, «Жастар» паркінде «Балалар – шаттық ордасы» атты мерекелік концерт болып өтті. Шараны «Мерекем сен» әнімен «Аманат» ансамблі ашса, Райымбек Бағыт пен шәкірті Зайнолла Айсұлтан күйлерден  попури жасады.

Одан соң, «Гүлім» бишілер тобы «Солнышко» және «Кербез» қазақ биін билесе, «Бұлбұлым» әнін Нұрай Ерболатқызы тамылжыта шырқады. Ал, «Айжан-ай» бишілер тобы «Ча какао» және «Тодес», «Тұмар» бишілер тобы қазақ биі «Көктем самалы», «Жаңа Қазақстан», «Аякөз» бишілер тобы өзбек биін мың бұрала биледі. Артынша күй тартыстың көрігін Айхан Тұрсынғали мен шәкірті Айым Мысырғали қыздырса, Динаның күйі «Жеңісті» Мейірлан Нұрмағанбетұлы, Махамбеттің «Жұмыр қылышын» Ғабдолла Нұрдәулет шертті. Балалардың көңіл күйін көтерген әсем әндерді Мейірлім Мұрат «Арманыма жетемін», Аружан Дүйсен «Ұстазым», Өркен Асланбекұлы «Арман», Жанерке Маратқызы мен Медина Медетқызы халық әні «Беу айдайды», Дильназ Бейбіт «Туған жер» әнін орындады.

Нұрсәуле ЖАУЫНБАЕВА