Таяуда Астана қаласында «ТАҚИЯ FEST» өнерлі аналар республикалық қолөнер фестивалі болып өтті. Оған аудан атынан «Арман» мәдениет үйі жанындағы қолөнер үйірмесінің жетекшісі Балжан Мақы қатысып қайтты. 

-  Президент мұражайында өткен  фестивалге  өнерлі аналар жиналды. Мақсат -  ұлтымыздың қол өнерін  кейінгі ұрпаққа дәріптеу.  Аты айтып тұрғандай республика бойынша он саусағынан өнері тамып тұрған небір хас шеберлер жиналған үлкен додаға қатысу мен үшін ерекше сабақ болды. Бір-бірімізбен тәжірибе алмасып, өз қолымыздан шыққан дүниелерді көріп таң-тамаша болдық. Өте керемет, жоғары деңгейде ұйымдастырылды, – дейді Балжан Мақы. 
Осынау фестивальде ол  «Ең үздік админ» атағына ие болды. Ендеше, аудан абыройын асқақтатып оралған қолөнерші Балжанның сырлы саусақтан тамған өнеріне сәттілік тілейміз.

Нұрсәуле ЖАУЫНБАЕВА