«ӨНЕРІМ МЕНІҢ - ӨМІРІМ»

Елбасының «Болашаққа бағдар: рухани жаңғыру» атты бағдарламалық мақаласында көрсетілгендей өз жерімізде туған өнерлі жандардың шығармашылығын кеңінен насихаттау мақсатында жақында Роза Бүркіттің «Өнерім менің-өмірім» атты ән кеші өтті.

«Арман» мәдениет үйінде ұйымдастырылған кеште алдымен жезтаңдай әнші, термеші, облыстық, аудандық байқаулардың лауреаты, мәдениет майталманының өмірбаяны таныстырылды.

Шарада Розаның орындауында Мұхиттың «Қара қаншық» К.Жолаевтың «Қарабау қара шаңырақ», Е.Хасанғалиевтың «Айналдым елім», Т.Серіковтің «Айналдым», З.Көпбосыновтың «Көңіл толқуы», С.Әлібектің «Ана» әндерімен бірге «Шымыр», «Дүние-ай» секілді халық әндері шырқалды. Сонымен бірге, шарада Розаның шәкірті, жезтаңдай әнші Ләззат Тастаева «Жайнай бер жастар жаңаша» әнін, Дастан Саркенже «Дайдидау» әнін, өнердегі құрбысы Балжан Мизамқызы Қ.Құрманәлінің «Қиялдағы қалқа» әнін кеш иесімен қосыла орындады.

Көрермендерге көтеріңкі көңіл күй сыйлаған әсерлі кешті әнші Роза Оразқызы К.Жолаевтың сөзіне жазылған С.Құлмағамбетовтың «Өсе бер, өркендеп Қызылқоға» әнімен қорытындылады.

Әсел ТАУШАНОВА

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelsizdikke-30-zhyl

Aqprint

Байланыс номерi :     +7 775 798 46 24     +7(7122) 45-85-21