Таяуда, Атырау қаласында дәстүрлі Халықаралық «Жаңа жұлдыз-ХХІІ» атты ашық фестиваль-байқау өтті.
Оған 7-9 жас аралығындағы би жанры бойынша Миялы балалар өнер мектебінен «Айжан-ай» тобы қатысып, аудан намысын абыроймен қорғап қайтты. Бұл ретте, аталған топ бишілері қазақ биі «Текеметті» жоғары дәрежеде орындап, бас жүлдені жеңіп алды. Бұл тұста, «Айжан-ай» тобының жетекшісі Айжан Досқалиеваның еңбегі зор екендігі сөзсіз.
– Би үйірмесінде 40-тан астам оқушы бар. Барлығының биге қызығушылығы өте жоғары. Сол себептен де шығар, кез келген биге асқан шеберлікпен ден қойып дайындаламыз. Бірнеше оқушым 7 жыл оқып, бітіріп кетті. Облыстан алған бас жүлдеміз оқушыларымның жетістікке жету жолында төккен тердің жемісі, - дейді ол.
Ендеше, жеңіс құтты болсын, бишілер!
Нұрсәуле СҮЛЕЙМЕНҚЫЗЫ
