Бүгін, Миялы спорт кешенінде Қызылқоға ауданы әкімінің балаларға арналған жаңа жылдық шыршасы өтті.
Оған аудан мектептерінен жиналған үздік оқушылар мен аз қамтылған, көп балалы, мүмкіндігі шектеулі, атаулы әлеуметтік көмек алатын, ата-ана қамқорлығынсыз қалған және спортта жетістікке жеткен оқушылар қатысып, аудан әкімімен бірге жаңа жылдық шыршаның шамын жақты.
Көңілді мерекені құқттықтау сөзбен ашқан аудан әкімі Қанат Әзмұханов бүлдіршіндерді келе жатқан жаңа жылмен құттықтап, өтіп бара жатқан жылдың жемісті болғандығын, «Балалар жылы» аясында балалар үшін барлық жағдайлар жасалып жатқандығын ерекше атап өтті. Сондай-ақ, барлық оқушыларға мерекелік сыйлықтар табыс етіп, балғындармен бірге ән айтып, шыршаны айнала биледі.
