Жақында облыстық мәдениет, архивтер және құжаттама басқармасының қолдауымен және Дина Нұрпейісова атындағы академиялық қазақ халық аспаптар оркестрінің ұйымдастыруымен өткен республикалық «Ән Дария» байқауына жиырма екі үміткер қатысып, бақтарын сынаған болатын.
Кіл мықтылар сайысында миялылық дәстүрлі әнші Берік Амантаев қатысып, байқау жеңімпазы атанды. Байқауға қатысқан әншілер Арқа, Батыс, Сыр, Жетісу және Алтай-Тарбағатай мектептерінің әндерінен сайысты. Сахна төріне он бесінші болып шыққан миялылық Берік Амантаевтың мерейі үстем болып, байқауда бірінші орынды жеңіп алып, 500 000 мың теңге ақшалай сыйлыққа ие болды.
Айта кетсек, Берік бұған дейін де түрлі байқаулардан жеңімпаз-жүлдегер атанып, аудан мерейін асырып жүрген дәстүрлі әншілердің бірі.
Нұрәділ ЕЛАМАН
